مداح خاتون نے عمران اشرف کا روپ دھار لیا

20 جولائی ، 2021

پاکستان کے معروف ہر دلعزیز اداکار عمران اشرف کی ایک مداح خاتون نے میک اوور کر کے اُداکار کا روپ دھار لیا ہے۔

پاکستانی ڈرامہ انڈسٹری کے صف اول کے اداکار عمران اشرف آج کل شہرت کی بلندیوں کو چھو رہے ہیں۔

یکے بعد دیگرے بلاک بسٹر ڈرامے دینے والے عمران اشرف کی اداکاری، عاجزی و انکساری، سادگی اور مثبت رویئے کے تو سب ہی مداح ہیں، حال ہی میں اُن کی جانب سے ادا کیے جانے والے کردار موسیٰ نے کروڑوں شائقین کے دلوں میں گھر کر لیا ہے۔

عمران اشرف کی جانب سے اپنے سوشل میڈیا اکاؤنٹ انسٹا گرام پر ایک ویڈیو شیئر کی گئی ہے جسے دیکھ کر انٹرنیٹ صارفین سمیت وہ خود بھی دنگ رہ گئے ہیں۔

عمران اشرف کی جانب سے شیئر کی گئی ویڈیو میں دیکھا جا سکتا ہے کہ اُن کی ایک خاتون مداح نے میک کے ذریعے اُن کے کردار موسیٰ کا روپ دھارا ہے۔