فرمان الہی
نماز کے اوقات
اسلام آباد (اے پی پی) وزیر داخلہ شیخ رشید احمد سے چین کے سفیر نونگ رونگ نے یہاں ملاقات کی اور انہیں عید کی مبارکباد دی۔ ملاقات میں چینی سفیرنے پاک چین تعلقات کے حوالےسے اٹھنے والی سازشوں کے خلاف اقدامات پروفاقی وزارت داخلہ کی کوششوں کو سرِاہا اور داسو ہائیڈرو پاور بس حادثہ سے متعلق جاری تحقیقات پر اطمینان کا اظہار کیا۔ وزیر داخلہ اور چینی سفیر نے تحقیقات کو جلد سے جلد مکمل کرنے پر اتفاق کیا۔ عید کے روز چینی سفیر وزیر داخلہ شیخ رشید احمد کی رہائش گاہ پر گئے اور عید کی مبارکباد دیتے ہوئے پاکستانی عوام کیلئے نیک خواہشات کا اظہار کیا۔ اس موقع پر پاک چین دوطرفہ تعلقات پر تبادلہ خیال کیا گیا۔ وزیر داخلہ نے چینی سفیر سے داسو بس حادثے میں جاں بحق چینی ورکرز کیلئے تعزیت کا اظہار کیا۔وزیر داخلہ اور چینی سفیر نے ملاقات میں اس بات کا اعادہ کیا کہ پاک چین تعلقات میں کوئی طاقت رکاوٹ نہیں بن سکتی۔
