نذیر چوہان 2 دن کے ریمانڈ پر FIA کے حوالے

پاکستان تحریکِ انصاف کے پنجاب اسمبلی سے تعلق رکھنے والے گرفتار رکن نذیر چوہان کو لاہور کی عدالت نے 2 روزہ ریمانڈ پر ایف آئی اے کے حوالے کر دیا۔

لاہور میں نذیر چوہان کو ضلع کچہری میں مجسٹریٹ کے روبرو پیش کر دیا گیا۔

نذیر چوہان FIA سائبر کرائم کے سامنے پیش

لاہور میں گرفتار ہونے والے پی ٹی آئی کے ایم پی اے نذیر چوہان کو ایف آئی اے سائبر کرائم کی ٹیم کے سامنے پیش کر دیا گیا۔

مجسٹریٹ نے نذیر چوہان کو 2 دن کے ریمانڈ پر ایف آئی اے کی تحویل میں دے دیا۔

عدالت نے ایف آئی اے کو نذیر چوہان کو 31 جولائی کو دوبارہ پیش کرنے کی ہدایت بھی کی۔

میں اپنے مؤقف پر قائم ہوں: نذیر چوہان

لاہور میں ایف آئی اے کے ہاتھوں گرفتار ہونے والے پی ٹی آئی کے ایم پی اے نذیر چوہان کا کہنا ہے کہ میں اپنے مؤقف پر قائم ہوں۔

واضح رہے کہ پی ٹی آئی جہانگیر ترین گروپ سے تعلق رکھنے والے نذیر چوہان کو وزیرِ اعظم عمران خان کے مشیر برائے احتساب شہزاد اکبر کی جانب سے درج کرائے گئے مقدمے میں ایف آئی اے سائبر کرائم نے گرفتار کیا ہے۔

اس سے قبل انہیں 2 روز پہلے پولیس نے شہزاد اکبر کی جانب سے درج کرائے گئے مقدمے ہی میں گرفتار کیا تھا جس پر ان کی گزشتہ روزضمانت پر رہائی ہوئی تھی۔