صنعتوں کو سہولتیں دینے سے تجارتی خسارہ کم ہو گا: وزیرِ اعظم

وزیرِ اعظم عمران خان کا کہنا ہے کہ حکومت برآمدات بڑھانے کے لیے صنعتوں کو سہولتیں دےرہی ہے، جس سےتجارتی خسارہ کم ہو گا۔

وزیرِ اعظم عمران خان سے ملک کے بڑے چیمبرز آف کامرس کے صدور نے ملاقات کی۔

وزیرِ اعظم عمران خان نے اس موقع پر کہا کہ صنعتوں سہولتیں دینے سے زرِ مبادلہ میں اضافہ ہو گا، ملک میں روزگار کے مواقع پیدا ہوں گے۔

‏وزیراعظم عمران خان کا تمام پروگرامز اور کانفرنسز اردو میں منعقد کرانے کا حکم

وزیر اعظم آفس کے اعلامیے کے مطابق ایسی تمام تقریبات جس میں وزیراعظم شریک ہوں اردو زبان میں منعقد کی جائیں۔

انہوں نے کہا کہ ٹیکس کے نظام کی بہتری کے لیے اصلاحات جاری ہیں، تمام اسٹیک ہولڈرز کی مشاورت سے اس عمل میں تیزی اور بہتری آئے گی۔

اس حوالے سے جاری کیئے گئے اعلامیئے کے مطابق وزیرِ اعظم عمران خان سے ملاقات کے دوران ملک کے تمام چیمبرز آف کامرس نے حکومت کی کاروبار دوست پالیسیوں پر اعتماد کا اظہار کیا۔

اعلامیئے میں کہا گیا ہے کہ ملک کے تمام چیمبرز آف کامرس نے ’ایزی آف ڈوئنگ بزنس‘ کے لیے اقدامات پر اعتماد کا اظہار کیا۔

عمران خان کی ’بھالو‘ کیساتھ تصویر وائرل

پاکستان کے موجودہ وزیراعظم عمران خان نے بنی گالا سے ’بھالو‘ کے ساتھ لی گئی تصویر اپنی تصویر سوشل میڈیا پر شیئر کردی۔

اعلامیئے میں مزید کہا گیا ہے کہ ملاقات کے دوران حکومت و کاروباری برادری کے درمیان مشاورت سے ٹیکس ریونیو بڑھانے کی حکمتِ عملی بنانے پر اتفاق بھی کیا گیا۔

اعلامیئے میں یہ بھی کہا گیا ہے کہ وزیرِ اعظم نے حکام کو اسٹیک ہولڈرز سے رابطے کرنے، ان کی تجاویز اور مسائل سننے کے لیے مسلسل ملاقاتوں کی ہدایت بھی کی۔