• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھارتی دھمکی پر غیر ملکی کرکٹرز کشمیر پریمیئر لیگ سے دستبردار

تازہ ترین
کھیلوں کی خبریں
30 جولائی ، 2021


بھارتی کرکٹ بورڈ (بی سی سی آئی) کی دھمکی کے باعث ٹورنامنٹ میں شریک تمام غیر ملکی کرکٹرز کشمیر پریمیئر لیگ سے دستبردار ہوگئے۔

ذرائع کے مطابق لیگ کے منتظمین کا کہنا ہے کہ 6 اگست سے ٹورنامنٹ پاکستانی کھلاڑیوں کے ساتھ ہوگا۔

اس حوالے سے ذرائع کا کہنا ہے کہ غیر ملکی کھلاڑیوں کو بھارتی بورڈ کی جانب سے دھمکی دی گئی تھی اور کہا گیا تھا کہ کشمیر گئے توان پر انڈین پریمیئر لیگ (آئی پی ایل) سمیت انڈین کرکٹ کے دروازے بند کردیں گے۔

ذرائع کا مزید کہنا ہے کہ دھمکی کے بعد غیر ملکیوں کی ٹورنامنٹ میں شرکت سے معذرت کرلی۔

ذرائع کے مطابق کھلاڑیوں کے ایجنٹ کو بی سی سی آئی کے اعلیٰ افسر کی طرف سے دھمکی دی گئی تھی۔

تازہ ترین