فرمان الہی
نماز کے اوقات
1۔دیکھا ہم نے ایک پرندہ
کچھ پیلا کچھ سبز اور لال
پیٹ میں اس کے ایک ہی ہڈی
کھال کے نیچے اس کے بال
خون ہے اس کا میٹھا میٹھا
کڑوی کڑوی اس کی کھال
**************
2۔دیکھا ایک نیا حیوان
دبلا پتلا اور بے جان
پیٹھ کے اندر اس کے دم
دو پائوں ہیں اور چھ سم
یونہی اس کا نام نہ بول
پہلے میری بات کو تول
**************
3۔میری پہیلی بوجھو گے تُم
ایک انچ چڑیا ، دو گز کی دم
**************
4۔بات انوکھی کیا کوئی جانے
اِک ڈبیا میں سیکڑوں دانے
میٹھے میٹھے، رنگ رنگیلے
رس بھرے، رس دار ، رسیلے
کوئی چُوسے ، کوئی چبائے
بچّہ بوڑھا ہر اِک کھائے
**************
5۔نازک نازک سی اِک گڑیا
لوگ کہیں گے سب اس کو اُڑیا
کاغذ کے سب کپڑے پہنے
دھاگے کے سب زیور گہنے
سیدھی جائے ، مڑتی جائے
پری نہیں ، پر اڑتی جائے
جواب : پہیلیاں:۔1۔ آم 2۔ ترازو 3۔ سوئی دھاگا 4۔ انار 5۔ پتنگ
