شہروز سبزواری کا صدف کنول کے بیان پر رد عمل

پاکستان کے معروف اداکار شہروز سبزواری کا اپنی اہلیہ، معروف اداکارہ و سُپر ماڈل صدف کنول کی جانب سے شوہر سے متعلق دیئے گئے بیان پر رد عمل دیا گیا ہے۔

صدف کنول کی جانب سے گزشتہ دنوں ایک انٹرویو کے دوران کہا گیا تھا کہ ’اپنے شوہر کی عزت کرنا اور اُس کا خیال رکھنا ہماری ثقافت ہے، وہ بیوی ہونے کے ناطے اپنے شوہر کے جوتے بھی اٹھاتی ہیں اور کپڑے بھی استری کرتی ہیں، اُنہیں معلوم ہونا چاہیے کہ اُن کے شوہر کی کیا چیز کہاں رکھی ہوئی ہے، اُن کے شوہر کو کب کیا کھانا ہے۔‘

علی گُل پیر کی صدف کنول کے بیان پر پیروڈی ویڈیو وائرل

پاکستان کے معروف اداکار، گلوکار، کامیڈین، میزبان علی گُل پیر نے معروف سُپر ماڈل و اداکارہ صدف کنول کی جانب سے دیئے گئے حالیہ بیان پر پیروڈی ویڈیو بنا دی ہے جو کہ انٹرنیٹ پر خوب وائرل ہو رہی ہے۔

اس بیان پر سوشل میڈیا پر گزشتہ کئی دنوں سے کافی بحث کی جا رہی تھی   اور صدف کنول ٹوئٹر پر بھی کئی دن ٹرینڈ کرتی رہیں۔

صدف کنول کا ’شادی کے اصولوں‘ سے متعلق بیان وائرل

پاکستان شوبز انڈسٹری کی مقبول جوڑی صدف کنول اور شہروز سبزواری نے ازدواجی اصولوں سے متعلق گفتگو سوشل میڈیا پر وائرل ہورہی ہے۔

صدف کنول پر کچھ انٹرنیٹ صارفین کی جانب سے تنقید کی گئی تو کچھ نے صدف کنول کے اس بیان کو خوب سراہا اور اُن کی سوچ کی تعریف کی تھی۔

اسی بیان سے متعلق شہروز سبزواری نے گزشتہ رات ایک نجی چینل پر بطور مہمان شرکت کرتے ہوئے رد عمل دیا ہے۔

شہروز سبزواری کا کہنا تھا کہ ’وہ سب سے پہلے ایک مسلمان، پھر پاکستانی ہیں اور بعد میں وہ ایک مرد اور شوہر ہیں، اسلام نے عورت کو عزت دی ہے اور ایک اونچا مقام دیا ہے، عورت بہت مضبوط ہے، اسلام میں جو عورت کو مقام دیا گیا ہے وہی مقام پاکستان میں بھی عورتوں کو ملنا چاہیے۔‘

مجھے صدف کا آئٹم سانگ بہت پسند آیا تھا: شہروز سبزواری

پاکستان ڈرامہ انڈسٹری کے معروف اداکار شہروز سبزواری نے کہا ہے کہ اُنہیں اپنی اہلیہ صدف کنول کا آئٹم سانگ بہت پسند آیا تھا۔

انہوں نے کہا کہ ’اگر اُن کی اہلیہ اُن کی عزت اور اُن سے پیار کرتی ہے تو اُنہیں تنقید کا نشانہ کیوں بنایا جاتا ہے، تنقید کرنے والے صرف 10 فیصد لوگ ہیں جو کہ خود ہی اپنا بیانیہ کمزور کر چکے ہیں۔‘