فرمان الہی
نماز کے اوقات
مردان، او گی (نمائند گان جنگ) مردان اورگردونواح میں شدید طوفان اور بارش کے دوران چھتیں اور دیواریں گرنے کے مختلف واقعات میں مدرسے کے ایک مدرس اور طالب علم سمیت3افراد جاں بحق ہوگئے جبکہ خاتون اور 12طلباء سمیت15سے زائد افراد زخمی ہوگئے،شدید بارش سے کئی علاقے زیر آب آگئے،سڑکیں تالاب میں بدل گئیں کئی علاقوں میں بجلی معطل رہی رات گئے تک امدادی سرگرمیاں جاری رہیں، نرشک میں مدرسے کی چھت منہدم ، مدرس اورشاگرد جاں گنوا بیٹھا ۔ تفصیلات کے مطابق جمعرات کی شام اچانک آنے والی آندھی کے بعد شدید طوفان شروع ہوا جس کے ساتھ تیز بارش بھی آگئی اطلاعات کے مطابق تھانہ چورہ کے علاقہ نرشک میں مدرسے کی چھت گرنے سے مدرس محتاج اور شاگرد ادریس جاں بحق ہوگئے جبکہ مدرسے کے کئی طلباء ملبے تلے آکر زخمی ہوگئے ریسکیو کے مطابق بالا گڑھی کے علاقہ اخترآباد میں دیوار گرنے سے ایک شخص جان بحق جبکہ دوافراد زخمی ہوگئے،چکڑ وپل ہوتی میں بھی مدرسے کی دیوار گرنے سے 8سے زائد طلباء زخمی ہوگئے۔
