کراچی (اسٹاف رپورٹر)ٹھٹھہ سے گرفتاررا کے مبینہ ایجنٹ ملزم صدام حسین کو سی ٹی ڈی نے عدالت میں پیش کردیا۔ملزم کو جوڈیشل مجسٹریٹ غربی کی عدالت میں پیش کیا گیا۔ ملزم صدام حسین جتوئی کوقانون نافذ کرنے والےاداروں نے گرفتار کیا ۔ملزم کو 15روز تحویل میں رکھنے کے بعد سی ٹی ڈی گارڈن میں مقدمہ درج کرلیا گیا۔ استغاثہ کے مطابق ملزم کے خلاف سمندر پر سرگرمیوں اور حساس مقامات کی تصویر لینے کے الزام میں مقدمہ درج کیا گیا ہے۔ملزم سے کیماڑی، فشری، کوسٹ گارڈ،مہران اور فیصل بیس کی تصاویر برآمد ہوئیں۔تفتیشی افسر نے عدالت کو بتایا کہ ملزم بھارتی خفیہ ایجنسی را کے لیے کام کرتاہے۔عدالت نے مزید تفتیش کے لیے ملزم کو2روزہ جسمانی ریمانڈ پر سی ٹی ڈی کی تحویل میں دے دیا۔
فرمان الہی
نماز کے اوقات
