فرمان الہی
نماز کے اوقات
گوجرانوالہ(نمائندہ جنگ) گوجرانوالہ کے طلباء و طالبات نے صرف 40سیکنڈ میں52040 پودے لگاکر بھارتی ریکارڈ توڑ ڈالا۔بتایا گیا ہے کہ ضلعی انتظامیہ کے زیراہتمام جی ٹی روڈ کراسنگ سے لیکر چندا قلعہ بائی پاس تک 14کلو میٹر جگہ پر ایک منٹ میں پچاس ہزار پودے لگانے کا ہدف مقرر کیا گیا تھا۔بھارت میں ایک منٹ میں 37ہزار پودے لگاکرعالمی ریکارڈ قائم کیا گیا تھا جسے گوجرانوالہ کے طلباء و طالبات نے صرف 40سیکنڈ میں 52040پودے لگاکر توڑ دیا ۔ اس موقع پر بزرگ ،خواتین ،سیاسی کارکن ،علماء ، اساتذہ اور مختلف شعبہ ہائے زندگی سے تعلق رکھنے والے لوگ طلباء و طالبات کی بھر پورحوصلہ افزائی کرتے نظر آئے۔ سخت گرمی اور حبس کے باوجود طلباء و طالبا ت کا اپنے وطن سے پیار اور بھارتی ریکارڈ توڑنے کا عزم قابل دید تھا۔ ملی نغمے ،ترانے اور گیت بچوں اور بڑوں کا خون گرما رہے تھے۔
