فرمان الہی
نماز کے اوقات
صوفی تبسم
آؤ بچو سنو کہانی
ایک تھا راجا ایک تھی رانی
دونوں اک دن شہر میں آئے
شہر سے اک اک گڑیا لائے
راجہ کی گڑیا تھی دبلی
رانی کی گڑیا تھی موٹی
راجہ کی گڑیا تھی لمبی
رانی کی گڑیا تھی چھوٹی
راجا بولا میری گڑیا
میری گڑیا بڑی سیانی
گڑیاؤں میں جیسے رانی
رانی بولی ،میری گڑیا،میری رانی
میری گڑیا کے کیا کہنے
اچھے اچھے گہنے پہنے
راجا بولا،میری گڑیا،میری رانی
میری گڑیا بین بجائے
میٹھے میٹھے گانے گائے
رانی بولی،میری گڑیا،میری رانی
میری گڑیا ناچ دکھائے
اچھلے کودے شور مچائے
دونوں میں بس ہوئی لڑائی
دونوں نے کی ہاتھاپائی
اتنے میں اک بڑھیا مائی
دوڑی دوڑی اندر آئی
آتے ہی اک ڈانٹ پلائی
کیا ہے جھگڑا کیا ہے لڑائی
یہ بھی گڑیا وہ بھی گڑیا
یہ بھی سیانی وہ بھی سیانی
تو ہے راجا تو ہے رانی
ختم کرو یہ رام کہانی
