فرمان الہی
نماز کے اوقات
پاکستان شوبز انڈسٹری کی سینئر اداکارہ بشریٰ انصاری نے رواں برس انتقال کرجانے والی بہن سنبل شاہد کے ہمراہ اپنے بچپن کی ایک تصویر شیئر کی۔
انہوں نے سوشل میڈیا سائٹ انسٹاگرام پر اپنی دو بہنوں کے ہمراہ ماضی کی ایک یادگار تصویر شیئر کی۔
اداکارہ نے تصویر شیئر کرتے ہوئے لکھا کہ ’70 کی دہائی میں ہم تین بہنیں۔‘
تصویر کی مزید تفصیلات بتاتے ہوئے انہوں نے کہا کہ ’دائیں سے شروع کریں تو سب سے پہلے سنبل ہیں، پھر نیلم اور پھر میں بیٹھی ہوں۔‘
بشریٰ انصاری نے بتایا کہ یہ تصویر لاہور اسٹیشن کی ہے جب ہم تینوں ایک ساتھ کوئی گیت گارہے تھے۔
آخر میں انہوں نے لکھا کہ ’جانے کہاں گئے وہ دن۔‘
یاد رہے کہ بشریٰ انصاری کی بہن سنبل شاہد کا انتقال رواں برس کورونا کے باعث ہوا تھا۔
