لاہور: خاتون ہراسگی معاملہ، اسپیشل تحقیقاتی ٹیم تشکیل

لاہور کے گریٹر اقبال پارک میں خاتون کو ہراساں کرنے کے معاملے میں اسپیشل انویسٹی گیشن ٹیم تشکیل دے دی گئی۔

ڈی آئی جی انویسٹی گیشن شارق جمال نے اسپیشل ٹیم تشکیل دی ہے، جس کی سربراہی ایس ایس پی انویسٹی گیشن لاہور کریں گے۔

شارق جمال کے مطابق اسپیشل انویسٹی گیشن ٹیم چار سب ٹیموں پر مشتمل ہو گی، سب ٹیموں میں انویسٹی گیشن، فارنزک، ایویڈنس اینڈ ڈیجیٹل میڈیا ٹیم شامل ہوگی۔

مینار پاکستان پر کیا ہوا؟ لڑکی عائشہ کی جیو نیوز سے گفتگو

لاہور میں گریٹراقبال پارک میں ہجوم کی بدسلوکی کا نشانہ بننےوالی لڑکی عائشہ بیگ نے کہا ہے کہ میں اپنے بچنے کی امید چھوڑ چکی تھی۔

ڈی آئی جی شارق جمال نے عوام سے اپیل کی کہ شہری واقعہ میں ملوث افراد کی شناخت کرنے میں پولیس کی مدد کریں۔

انہوں نے مزید کہا کہ معلومات شیئر کرنے والے کا نام صیغہ راز میں رکھا جائے گا۔

مینار پاکستان واقعہ، موٹروے کیس کی طرح تیز کارروائی ہوگی، راجا بشارت

وزیر قانون پنجاب راجا بشارت نے کہا ہے کہ مینار پاکستان واقعے پر گرفتاریاں عمل میں لائی جائیں گی۔

ڈی آئی جی انویسٹی گیشن نے یہ بھی کہا کہ تمام ملزمان کو جلد گرفتار کرکے انصاف کے کٹہرے میں لایا جائے گا۔