• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

انجینئرنگ یونیورسٹی پشاور اور یونیورسٹی آف سوات میں مفاہمت کی یاداشت پر دستخط

میرا شہر
پشاور
21 اگست ، 2021
پشاور(خصوصی نامہ نگار) یونیورسٹی آف انجینئرنگ اینڈ ٹیکنالوجی پشاور اور یونیورسٹی آف سوات کے درمیان مفاہمت کی یاداشت طے پا گئی جس کا مقصد انجینئرنگ یونیورسٹی پشاور اور یونیورسٹی آف سوات کے درمیان تحقیق و ترقی اور تربیت کو فروغ دینا ہے ۔ معاہدے پر سوات یونیورسٹی کے وائس چانسلر پروفیسر ڈاکٹر محمد جمال خان اور وائس چانسلر انجینئرنگ یوینورسٹی پروفیسر ڈاکٹر افتخار حسین نے دستخط کئے۔اس موقع پر ڈائریکٹر اوریک ڈاکٹر نصرو من اللہ، ڈائریکٹر فنانس پروفیسر ڈاکٹر مصباح اللہ ، ڈائریکٹرجیمز اینڈ جیولری سنٹر آف ایکسیلینس ڈاکٹر خان محمدو دیگر سینئر حکام بھی موجود تھے۔ وائس چانسلرز نے معدنیات کے شعبے اور کوئلے کی کان کے کارکنوں اور ان کیلئے حفاظتی اقدامات و تربیت پر تبادلہ خیال کرتے ہوئے اس سلسلے میں مرحلہ وار کام کرنے کے لئے حکمت عملی وضع کی ۔ وائس چانسلر نے کوئلے کی کان کے کارکنوں کی حفاظتی تربیت، قیمتی پتھروں کی پہچان ، کٹنگ وپالشنگ ،آرٹیفیشل انٹیلی جینس اور روبوٹکس کے شعبوں میں انجینئرنگ یونیورسٹی کی مہارت کو سراہا۔بعد ازاں پروفیسر ڈاکٹر محمد جمال خان نے جیمز اینڈ جیولری سنٹر آف ایکسیلینس اور شعبہ مائننگ انجینئرنگ کا دورہ کیا۔ انہوں نے شعبہ مائننگ کیساتھ مختلف امور میں اشتراک کرنے کے عزم کا اظہار کیا۔
تازہ ترین