• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی میں 8سماج دشمن گرفتار‘ اسلحہ ‘ شراب اور سوا کلو چرس برآمد

میرا شہر
اسلام آباد
24 اگست ، 2021
راولپنڈی (سٹاف رپورٹر) راولپنڈی پولیس نے کارروائیاں تیز کرتے ہوئے 8سماج دشمن عناصر کو گرفتار کر کے انکے قبضہ سے 3پستول تیس بور معہ ایمونیشن‘ ایک کلاشنکوف معہ ایمونیشن‘ 4بوتل شراب‘ ایک کلو 240گرام چرس اور 5لٹر شراب برآمد کر لی۔ تھانہ ویسٹریج پولیس نے نوشاد آصف سے پستول 30بور معہ ایمونیشن، زین شاہ سے پستول 30بور معہ ایمونیشن، تھانہ سول لائن پولیس نے وسیم خان سے کلاشنکوف معہ ایمونیشن، محمد نذیر سے پستول 30بور معہ ایمونیشن، تھانہ وارث خان پولیس نے شہزاد سے 2بوتل شراب، افتخار علی سے 2بوتل شراب، تھانہ سول لائن پولیس نے یوحنا محبوب سے 5لٹر شراب برآمد کر لی۔ سول لائن پولیس نے منشیات فروش کو دھر لیا۔ ایس ایچ او سول لائن نے اپنی ٹیم کے ہمراہ کارروائی کرتے ہوئے محمد نذیر کو گرفتار کیا اور اسکے قبضہ سے ایک کلو 240گرام چرس برآمد کر کے مقدمہ درج کرلیا۔
تازہ ترین