فرمان الہی
نماز کے اوقات
چیئرمین پیپلز پارٹی بلاول بھٹو زرداری شہر قائد کے دورے پر روانہ ہوگئے۔
بلاول بھٹو نے اس موقع پر کہا کہ شہر کے مختلف علاقوں میں تیزی سے ترقیاتی کام چل رہے ہیں، ہم کراچی کو بہتری کی طرف لیکر جارہےہیں، کراچی تبدیل ہورہا ہے،دس سال پہلے والا کراچی نہیں ہے۔
انہوں نے کہا کہ عمران خان کی نا اہلی کی وجہ سے بے روزگاری میں اضافہ ہوا، حکمراں عوام کے روزگاردینے کے بجائے چھین رہے ہیں۔
چیئرمین بلاول بھٹو زرداری کے ہمراہ وزیراعلیٰ سندھ مراد علی شاہ اور ایڈمنسٹریٹر کراچی مرتضیٰ وہاب بھی ہیں۔
بلاول بھٹو پی ای سی ایچ ایس پہنچے جہاں انہوں نے نکاس آب کے منصوبے کا معائنہ کیا۔
بلاول بھٹو کی گاڑی وزیراعلیٰ سندھ مراد علی شاہ نے چلائی، بلاول بھٹو زرداری نے کڈنی ہل پارک پہنچ کر وہاں پودا بھی لگایا۔
یاد رہے کہ گزشتہ روز بلاول بھٹو دبئی کے اپنے مختصر دورے سے واپس کراچی پہنچے تھے۔
