شیخوپورہ(نمائندہ جنگ ) جی ٹی روڈ پر کے نزدیک ڈاکوؤں نے موٹر سائیکل نہ روکنے پر کوٹ مومن کے رہائشی بلال کو اس وقت نے فائرنگ کرکے شدید زخمی کردیا جب وہ اپنی بیوی کے ہمراہ جارہا تھاجس کو نازک حالت کی بنا پر میو ہسپتال لاہور پہنچادیا گیا ہے،لاہور روڈ کی آبادی خانپور کے قریب مزاحمت کرنے پر ڈاکوؤں نے ایک فیملی پر فائرنگ کردی جس کے نتیجہ میں رفاقت علی کی بیٹی شدید زخمی ہوگئی جسے سول ہسپتال پہنچا دیا گیا ہے فائرنگ سے رفاقت علی معجزانہ طور پر بچ گیا، تھانہ فیکٹری ایریا کے علاقہ رانا بھٹی سٹاپ پر دو ڈاکوؤں نے کار سوار سلطان الٰہی اور اس کی فیملی کو گن پوائنٹ پر روک پر نقدی، زیورات اور موبائل فون وغیرہ چھین لئے اور فرار ہوگے، تھانہ ہاؤسنگ کالونی کے علاقہ ترگے والی میں فلک شیر اور اس کی فیملی سے زیورات ، نقدی اور موبائل فون چھین لئے اور فرار ہوگئے، تھانہ صدر کے علاقہ غریب آباد میں دو ڈاکوؤں نے گن پوائنٹ پر ابوبکر سے ہزاروں روپے نقدی اور موبائل فون چھین لیا، تھانہ سٹی فاروق آباد کے علاقہ رسول پورہ میں چوروں کے گروہ نے شکیل کے گھر کا صفایا کردیااور دو لاکھ تیس ہزار روپے نقدی اور آٹھ تولے طلائی زیورات سمیت دیگر قیمتی سامان لیکر فرار ہوگئے، تھانہ سٹی اے ڈویژن کے علاقہ اقبال پارک سے چور محمد سہیل کی موٹر سائیکل لیکر فرار ہوگئے، بھکھی روڈ میں چوروں کا گروہ مقامی شہری بلال احمد کے گھر کا صفایا کرگیا، پولیس مصروف تفتیش ہے۔
فرمان الہی
نماز کے اوقات
