فرمان الہی
نماز کے اوقات
سلطنت عثمانیہ پر بننے والی مشہور زمانہ تاریخی تُرک سیریز ’ارطغرل غازی‘ کے سیکیول ’ کورلش عثمان‘ میں ’عثمان بے‘ کا مرکزی کردار ادا کرنے والے معروف تُرک اداکار بوراک اوزچیوت نے اپنے مداحوں کو بڑی خوشخبری سنادی ہے۔
بوراک اوزچیوت نے فوٹو اینڈ ویڈیوشیئرنگ ایپ انسٹا گرام پر ایک ویڈیو گیم کا پوسٹر شیئر کرتے ہوئے اپنے مداحوں کو خوشخبری دی ہے کہ ان کے مداح اب انہیں ایک ویڈیو گیم ’ فتح:التن چاگ( فتح: ایک سنہر ی دور)ـ‘ میں جنگی محاذوں پر لڑتے دیکھ سکیں گے۔
انہوں نے ویڈیو گیم کا پوسٹر شیئر کرتے ہوئے لکھا کہ ’ہم نے گیم ورلڈ پروجیکٹ، ( فتح: ایک سنہر ی د ور) کے ساتھ پہلا قدم اٹھایا، اور یہ ایک اچھا تعاون تھا۔ ‘
اداکار نے مزید لکھا کہ ’اس گیم میں شامل ہونا اور کھیلنا بہت خوشگوار ہوگا۔‘
انہوں نے ویڈیو گیم پراجیکٹ کرنے کے تجربے کے بارے میں بتاتے ہوئے لکھا کہ ’ یہ اُن کے لیے ایک خوشگوار تجربہ تھا۔‘
خیال رہے کہ’ فتح:التن چاگـ‘ ایک ایسا ویڈیوگیم ہے جس میں نا صرف براک اوزیویت( عثمان غازی) ، ارطغرل، صلاح الدین ایوبی، ہارون رشید اور ان جیسے مزید طاقتور ہیروز کو بہادری سے لڑتے دیکھا جاسکتا ہے بلکہ گیم کا حصّہ بن کر لڑائی میں شامل ہوسکتے ہیں۔
