فرمان الہی
نماز کے اوقات
مسلم لیگ نون کے رہنما اور مسلم لیگ نون کے صدر شہباز شریف کے صاحبزادے حمزہ شہباز نے مریم نواز کے بیٹے جنید صفدر کو ایک خوبصورت پیغام کے ذریعے نئی زندگی کے آغاز پر مبارکباد دی ہے۔
انہوں نے اپنے انسٹاگرام اکاؤنٹ پر جنید صفدر کے بچپن کی ایک یادگار تصویر شیئر کی ۔
تصویر شیئر کرتے ہوئے حمزہ شہباز نے لکھا کہ ’میرے چھوٹے سے جوجو، رشتۂ ازدواج سے منسلک ہونے پر ڈھیروں مبارکباد۔‘
حمزہ شہباز نے ان کی خوشگوار ازدواجی زندگی کی دعا کرتے ہوئے لکھا کہ ’آپ ہمیشہ ایک خوشگوار ازدواجی زندگی گزاریں۔‘
انہوں نے اپنی پوسٹ میں ہیش ٹیگ ’جنید صفدر‘ کا بھی اضافہ کیا۔
واضح رہے کہ اتوار کو لندن کے مقامی ہوٹل میں جنید صفدر کے نکاح کی تقریب ہوئی جس میں سابق وزیراعظم نواز شریف اور سابق وزیر خزانہ اسحاق ڈار سمیت خاندان کے قریبی افراد شریک ہوئے۔
شادی کی خوشی میں جاتی امراء رائے ونڈ میں بھی تقریب کااہتمام کیا گیا۔ مریم نواز، انکی بیٹی مہرالنساء، شہباز شریف ، حمزہ شہباز اور دوسرے شرکاء نے لندن کی تقریب میں آن لائن شرکت کی۔
