ملتان ،رحیم یارخان ،مانہ احمدانی ،گڑھ مہاراجہ (سٹاف رپورٹر،سٹی رپورٹر ،نامہ نگاران)ملتان ودیگر شہروں میں حادثے،طالبہ سمیت4 افراد جاں بحق ہو گئے تفصیلات کے مطابق ملتان بستی شورکوٹ کے علاقے میں تیس سالہ محمد واجد موٹرسائیکل پر جا رہا تھا جس کو ٹریکٹر ٹرالی نے کچل ڈالا جو کہ زخموں کی تاب نہ لا کر دم توڑ گیا ڈرائیور موقع سے فرار ہو گیا تاہم پولیس نے ٹریکٹر ٹرالی قبضے میں لے لی علاوہ ازیں گلش اقبال رحیم یار خان کارہائشی 19سالہ حسام بخاری جو کہ آٹھ روز قبل خانپور روڈ پر اڈا اقبال نگر کے نزدیک حادثے کا شکار ہو گیا تھا گزشتہ روز ہسپتال میں دم توڑگیاع۔مانہ احمدانی کے رہائشی محمد حفیظ کی بیٹی اپنے بھائی کے ساتھ سکول سے واپس گھر کی جانب موٹر سائیکل پر آرہی تھی کہ اچانک ٹرک نے موٹر سائیکل کو ٹکر ماردی جس کے نتیجے میں طالبہ زویاموقع پر ہی جاں بحق ہوگئی جبکہ موٹر سائیکل سوار محمد حفیظ کا بیٹا زخمی ہوگیا لڑکی کے والد حفیظ خان نے ٹرالر ڈرایئور کو معاف کر دیا دریں اثنا گڑھ مہاراجہ کے نواحی علاقہ پیر عبدالرحمن کا رہائشی دسویں جماعت کا طالب علم نوید شہزاد موٹر سائیکل پر سوار ہو کر اپنے گھر جا رہا تھا اڈا گہل پور کے نزدیک ایک تیز رفتار ٹریلر سے ٹکرا گیا جس کے نتیجے میں وہ ٹریلر کے پچھلے ٹائروں میں آ کر موقع پر ہی دم توڑ گیا۔
فرمان الہی
نماز کے اوقات
