• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی میں 21جرائم پیشہ سماج دشمن عناصر کو گرفتار کر لیا گیا

میرا شہر
اسلام آباد
28 اگست ، 2021
اسلام آباد (خصوصی نامہ نگار) راولپنڈی پولیس نے 21جرائم پیشہ عناصر کو گرفتار کر کے 1160 گرام چرس‘ 5لٹر شراب‘ 11پستول معہ ایمونیشن‘ سامان آتش بازی برآمد کر لیا۔ تھانہ نیو ٹائون نے عبداللہ فیصل‘ جنید خورشید‘ سول لائن نے محمد عثمان‘ عمران محمد اختر‘ تھانہ گوجر خان نے شہزاد احمد‘ تھانہ مری نے عائشہ بی بی‘ تھانہ نصیر آباد نے ایلیا پطرس کو گرفتار کر کے منشیات برآمد کیں۔ تھانہ پیر ودھائی نے جنید محمود‘ افضل بیگ اور احسان اللہ کو گرفتار کر کے ہوائیاں 150‘ کلاشنکوف پٹے 15‘ آتشی انار 13اور چائنہ اسٹک 10برآمد کر لیں۔ ایس پی راول نے ایس ایچ او پیرودھائی اور ٹیم کو شاباش دی۔ گوجر خان پولیس نے مناظر علی‘ زین علی اور محمد وقاص‘ گنجمنڈی نے محمد محسن‘ پیر ودھائی نے زونین صفدر‘ صادق آباد نے ارسلان احمد‘ مورگاہ پولیس نے اعزاز خلیل‘ صدر پولیس واہ نے ممتاز خان اور زاہد خان‘ صدر بیرونی نے ذیشان علی‘ کہوٹہ پولیس نے مبین شاد کو گرفتار کر کے پستول برآمد کر لئے۔
تازہ ترین