فرمان الہی
نماز کے اوقات
کراچی‘اسلام آباد(ایجنسیاں)معاون خصوصی برائے سیاسی ابلاغ وترجمان ڈاکٹر شہباز گِل نے شہباز شریف کے بیان پر ردعمل میں کہا کہ آج شہباز شریف نے ایک اور پوائنٹ اسکورنگ پرفارمنس دی ہے، ان سے بہتر شوبازیاں بھلا اور کون کر سکتا ہے،کراچی کے حقوق کا پوچھنا تھا تو ساتھ بیٹھے پیپلزپارٹی سے پوچھ لیتےجبکہ گورنر سندھ عمران اسماعیل کا کہنا ہے کہ شہباز شریف نے کراچی آکر مگر مچھ کے آنسو بہائے ہیں۔اتوارکو اپنے بیان میں شہباز گل نےکہا ہے کہ سندھ پر دہائیوں سے مسلط ٹولہ آپ ہی کے ساتھ بیٹھا آ پ کا کرپشن پارٹنرہے ۔میاں نااہل کو 30 سال حکومت کے بعد ایک اور موقع چاہیے،موقع آپکو عوام کیلئے نہیں اپنی تجوریاں بھرنے کیلئے چاہیے،کراچی کے حال کے ذمہ داران کے ساتھ مل کر کراچی کے عوام کے زخموں کو ہرا کیا گیا۔دریں اثناءمیڈیا سے گفتگو کرتے ہوئے عمران اسماعیل نے کہا ہے کہ شہباز شریف نے کراچی آکر مگر مچھ کے آنسو بہائے ہیں۔ حکومت سندھ جلسے کی اجازت دے رہی ہے لیکن اسکول کھولنے کی اجازت نہیں ہے۔سندھ میں تعلیم سمیت دیگر سرگرمیاں معطل ہیں لیکن پی ڈی ایم جلسہ کررہی ہے۔حکومت سندھ کو لب کشائی صرف وفاق کے خلاف نہیں کرنی چاہیے۔ حکومت سندھ کو کہتا ہوں کہ آئیں بیٹھ کر کراچی کے لیے سوچیں۔سندھ واحد صوبہ ہے جہاں کوئی نیا ڈیم نہیں بنایا جارہا ہے۔پیپلزپارٹی کی حکومت نے سندھ کی ترقی پر کوئی توجہ نہیں دی ہے۔مگر مچھ کے آنسو بہانے والے شہبازشریف بتائیں کہ انہوں نے اپنے دور میں کراچی کے لیے کیا کیا تھا؟
