فرمان الہی
نماز کے اوقات
افغانستان میں طالبان کے کنٹرول کے بعد پاکستان منتقل کیے گئے امریکی فوجیوں اور انخلا کے دیگر مسافروں کو لے کر امریکی ایئرفورس کی خصوصی پرواز اسلام آباد سے متحدہ عرب امارات (یو اے ای) روانہ ہوگئی ہے۔
تین دن کے دوران امریکی ایئر فورس کا یہ تیسرا طیارہ پاکستان سے غیرملکی مسافروں کو لے کر گیا ہے۔
ایوی ایشن ذرائع کے مطابق یو ایس اے ایف کی پرواز MOOSE44 منگل کی سہ پہر کویت سٹی سے اسلام آباد پہنچی تھی۔
ذرائع کا کہنا تھا کہ اسلام آباد سے امریکی فوجی اور انخلا کے دیگر مسافر خصوصی طیارے میں سوار ہوئے ہیں۔
یو ایس ایئرفورس کی خصوصی پرواز منگل کی شام 7 بجکر 40 منٹ پر نور خان ایئربیس اسلام آباد سے روانہ ہوئی۔
اسلام آباد سے امریکی فوجیوں اور انخلاء کے مسافروں کو لے کر جانے والی یہ امریکی ایئرفورس کی تیسری پرواز ہے۔
