18 سال سے کم عمر افراد کیلئے ویکسینیشن کی گائیڈ لائنز جاری

نیشنل کمانڈ اینڈ آپریشن سینٹر (این سی او سی) نے 18 سال سے کم عمر افراد کی ویکسینیشن کیلئے گائیڈ لائنز جاری کر دی ہیں۔

این سی او سی کے مطابق کم قوت مدافعت والے 12 سے 17 سال والوں کو فائزر ویکسین لگائی جائے گی۔

کورونا ویکسین کے سائیڈ ایفیکٹس کیا ہیں؟

وزارتِ صحت نے کورونا ویکسین لگوانے والے افراد میں سامنے آنے والے منفی اثرات کی رپورٹ جاری کردی۔

18 سال سے کم عمر افراد کی ویکسینیشن کیلئے جاری کردہ گائیڈ لائنز  آج سے نافذ العمل ہوں گی۔

این سی او سی کے مطابق 18 سال سے کم عمر کی رجسٹریشن کیلئے چائلڈ رجسٹریشن سرٹیفکیٹ نمبر استعمال کیا جائے گا۔

گائڈ لائنز کے مطابق ویکسین لگوانے والوں کو کم قوت مدافعت کے میڈیکل دستاویزات بطور ثبوت دینا ہوں گے، 17 سال سے کم عمر افراد کو فائزر لگائی جائے گی۔

ملک بھر میں قائم مختلف ویکسین سینٹرز میں 18 سال سے زائد عمر کے رجسٹرڈ افراد کی ویکسینیشن کا عمل جاری ہے، اب 18 برس سے کم عمر افراد کو بھی ویکسین لگائی جائے گی۔

حکومت کا 18 سال سے کم عمرافراد کی کورونا ویکسینیشن پر غور

حکومت پاکستان نے کورونا ویکسین کا دائرہ کار18 سال سے کم عمر افراد کیلئے بڑھانے پر غور شروع کردیا ہے۔

ویکسین لگوانے کے خواہشمند کورونا ویکسین کی رجسٹریشن کروانے کے لیے تیرہ ہندسوں کا شناختی کارڈ نمبر ڈیش اور اسپیس کے بغیر 1166 پر ایس ایم ایس کریں۔

ویکسین کیلئے اندراج کے بعد ویکسین سینٹر اور ویکسینیشن کی تاریخ کے بارے میں جلد آگاہ کردیا جائے گا۔

دوسری جانب ملک بھر میں بیرون ممالک جانے والے 12 سال اور زائد عمر کے افراد کو آج سے کورونا وائرس سے بچاؤ کی ویکسین کا بوسٹر ڈوز لگایا جائے گا۔

بوسٹر ڈوز لگوانے کے لیے بیرون ممالک جانے کا دستاویزی ثبوت جمع کرانا ہوگا، ایک بوسٹر ڈوز کی قیمت 1270 روپے ہوگی۔