حکومت کا 18 سال سے کم عمرافراد کی کورونا ویکسینیشن پر غور

حکومت پاکستان نے کورونا ویکسین کا دائرہ کار18سال سے کم عمر افراد کیلئے بڑھانے پر غور شروع کردیا ہے۔

ذرائع  کا کہنا ہے کہ وزارت صحت کے ذیلی اداروں نے ویکسینیشن 18سال سے کم عمر افراد کیلئے بڑھانے پر مشاورت کی ہے، این آئی ایچ، ڈریپ، ای پی آئی و دیگر ادارے مشاورت کررہے ہیں۔

کورونا ویکسین کے سائیڈ ایفیکٹس کیا ہیں؟

وزارتِ صحت نے کورونا ویکسین لگوانے والے افراد میں سامنے آنے والے منفی اثرات کی رپورٹ جاری کردی۔

ذرائع وزارت صحت کا کہنا ہے کہ 18سال سےکم عمر افراد کی ویکسینیشن اسٹریٹیجی پر غورآئندہ ہفتے مکمل کرلیا جائیگا،پہلے مرحلے میں15 تا18 سال کے بچوں کی کورونا ویکسینیشن پر غور کیا جارہا ہے۔

کراچی، کورونا ویکسین نہ لگوانے پر سم بند کرنے کی تجویز کام آگئی

کراچی میں کورونا ویکسین نہ لگوانے پر سم بند کرنے کی تجویز کام آگئی، شہریوں کی بڑی تعداد ویکسین سینٹر پہنچ گئی۔

 دوسرے مرحلے میں 12تا15سال کے بچوں کی کورونا ویکسینیشن کی حکمتِ عملی پر غور کیا جائے گا۔

ملک میں ایک دن میں 9 لاکھ سے زائد ویکسینیشن کا ریکارڈ

اب تک ملک بھر میں ویکسین کی 2 کروڑ 64 لاکھ 8 ہزار55 ڈوز لگائی جا چکی ہیں۔

18 سال یا اس سے زائد عمر کے افراد اپنی کورونا ویکسین کی رجسٹریشن کروانے کے لیے تیرہ ہندسوں کا شناختی کارڈ نمبر ڈیش اور اسپیس کے بغیر1166 پرایس ایم ایس کرتے ہیں۔

ویکسین کیلئے اندراج کے بعد ویکسین سینٹر اور ویکسینیشن کی تاریخ کےبارے میں جلد آگاہ کردیا جاتا ہے۔

ملک بھر میں قائم مختلف ویکسین سینٹر میں 18 سال سے زائد عمر کے رجسٹرڈ افراد کی ویکسینیشن کا عمل جاری ہے۔