انعام بٹ کا گولڈ میڈل جیتنے کے بعد پیغام

قومی ریسلر انعام بٹ نے ورلڈ بیچ سیریز میں گولڈ میڈل جیتنے کے بعد ویڈیو پیغام جاری کردیا۔

سماجی رابطے کی ویب سائٹ پر جاری ویڈیو پیغام میں انعام بٹ نے کہا کہ اللّٰہ کے فضل و کرم سے ورلڈ بیچ ریسلنگ میں گولڈ میڈل جیتا۔

انہوں نے مزید کہا کہ میڈل کا کریڈٹ پاکستان ریسلنگ فیڈریشن کو جاتا ہے۔

انعام بٹ نے فائنل میں یوکرائن کے پہلوان یکوشک کو 0-3 سے شکست دے کر گولڈ میڈل اپنے نام کیا۔

فہمیدہ مرزا کی انعام بٹ کو گولڈ میڈل جیتنے پر مبارکباد

وفاقی وزیر فہمیدہ مرزا نے گولڈ میڈل جیتنے والے قومی ریسلر انعام بٹ کو مبارک باد دی ہے۔

سراج الحق کی انعام بٹ کو ریسلنگ چیمپئن شپ جیتنے پر مبارکباد

امیر جماعت اسلامی پاکستان سراج الحق نے انعام بٹ کو ریسلنگ چیمپئن شپ جیتنے پر مبارک باد دی ہے۔

اس سے قبل سیمی فائنل میں انعام بٹ نے رومانیہ کے پہلوان کو بھی 0-3 سے شکست دی تھی جبکہ کوارٹر فائنل میں ترکی کے ریسلر کو ہرایا تھا۔

انعام بٹ کے والد کا کہنا ہے کہ میرے بیٹے نے چوتھی بار گولڈ میڈل حاصل کیا ہے، بیٹے نے پاکستان کا نام روشن کیا جس پر فخر ہے۔

وفاقی وزیر فہمیدہ مرزا نے گولڈ میڈل جیتنے پر ریسلر انعام بٹ کو مبارکباد دی ہے۔

فہمیدہ مرزا کا کہنا ہے کہ پیرالمپکس میں حیدر علی اور ورلڈبیچ ریسلنگ میں انعام بٹ کا چیمپئن بننا خوش آئند ہے۔

انہوں نے کہا کہ یونان کے ویزے کے لیے انعام بٹ سے ہر ممکن تعاون کریں گے۔