• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خیبر پختونخواہ پولیس کی تاریخ قربانیوں سے بھری پڑی ہے،کمشنر پشاور ڈویژن

میرا شہر
پشاور
07 ستمبر ، 2021
پشاور( کرائم رپورٹر) کمشنر پشاور ڈویژن ریاض محسود نے کہا کہ خیبر پختونخواہ پولیس کی تاریخ قربانیوں سے بھری پڑی ہے جنہوں نے اپنی پیشہ ورانہ ذمہ داریوں کے دوران اپنی جانوں کا نذرانہ پیش کیا ہے۔گزشتہ روز ملک سعد شہید پولیس لائن پشاور میں محرم الحرام کے دوران عمدہ کارکردگی کا مظاہرہ کرنے والے پولیس افسران و اہلکاروں کونقد انعامات اور توصیفی اسناد سے نوازا گیا اس ضمن میں ایک سادہ مگر پروقار تقریب کااہتمام کیاگیا جس میں کمشنر پشاور ڈویژن ریاض محسود نے بطور مہمان خصوصی شرکت کی اس موقع پر سی سی پی او عباس احسن نے خطاب کرتے ہوئے کہاکہ محرم الحرام کے دوران پولیس افسران و جوانوں کی کارکردگی لائق تحسین رہی ہے انہوں نے مزید کہا کہ دیگر اداروں کے تعاون و مدد سے محرم الحرام جیسے حساس ایونٹ کا پرامن انعقاد ممکن ہواتقریب میں ایس ایس پی آپریشن یاسر آفریدی،ایس پی سکیورٹی، ایس پی ہیڈ کوارٹرز، ڈویژنل ایس پیز،ایس ڈی پی اوز اور ایس ایچ اوز سمیت ٹریفک پولیس، سٹی پٹرولنگ فورس اور ڈی ایس بی کے اہلکاروں اور ڈی ڈی آئی نعمان رفیع کو بھی نقد انعامات اور توصیفی اسناد سے نوازا گیا۔
تازہ ترین