فرمان الہی
نماز کے اوقات
کراچی (ٹی وی رپورٹ)رہنما ق لیگ ، اسپیکر پنجاب اسمبلی چوہدری پرویز الٰہی نے ایک انٹرویو میں کہا ہے کہ اس میں شک نہیں مہنگائی اور بیروزگاری میں اضافہ ہوا ہے بدقسمتی سے مہنگائی اور بیروزگاری میں بنیادی کردار کورونا کا بھی ہے، ہم تحریک انصاف کے اتحادی ہیں۔
اتحادی ہونے کی وجہ سے فائدہ نقصان اکٹھا ہے۔ہم کہیں کہ ہم صرف فائدے کے لئے بیٹھے ہیں تو اتحادی ہونے کے ناتے نیک نیتی کے ساتھ ہی بیٹھنا پڑتا ہے ہمارا ٹریک ریکارڈ بھی یہی ہے۔
کورونا کے تمام شعبوں پر اثرات پڑے ہیں کاروباری سرگرمیاں آدھی رہ گئیں۔
عمران خان نے اچھے کام بھی کئے ہیں احساس پروگرام عمران خان کا کامیاب ترین پروگرام ہے۔
اس کے علاوہ جو بین الاقوامی ایشوز آئے ہیں اس میں کشمیر اور افغانستان پر ان کا موقف بہت اچھا رہا ہے سب نے سراہا ہے۔
بیروزگاری کو کم کیا جاسکتا ہے ہم پچھلے الیکشن سے پہلے بھی کہتے رہے ہیں۔
