• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مرزا عاصی اخترؔ

پھولوں کا رہ گزر ہے محمد علی جناح

خوش بو کا ہم سفر ہے محمد علی جناح

بھٹکا نہیں سکے گا کوئی راہ سے ہمیں

اپنا جور اہ بر ہے محمد علی جناح

مرنے کے بعد ہوتے ہیں سب مورد زوال

اب تک عروج پر ہے محمد علی جناح

دنیا کی ساری فلسفہ دانی دھری رہی

ایسا فلاسفر ہے محمد علی جناح

تاریکیاں سمٹ کے اجالوں میں ڈھل گئیں

تابندہ اک قمر ہے محمد علی جناح

دنیا کی چال بازیاں اس کی نظر میں ہیں

کس درجہ باخبر ہے محمد علی جناح

تنہا لڑا جو شب کے اندھیروں سے عمر بھر

وہ صبحِ مُعتبَر ہے محمد علی جناح

اقبال کے تصوّر زَرّیں کے خواب کی

تعبیرِ پرُثم رَہے محمد علی جناح

عاصی یتیم ہوگی نہ ہرگز ہماری قوم

جب قوم کا پدر ہے محمد علی جناح