• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آئی جی پنجاب کا دورہ راولپنڈی، سینئر پولیس افسران سے میٹنگ

میرا شہر
اسلام آباد
10 ستمبر ، 2021
راولپنڈی(سٹاف رپورٹر ) انسپکٹر جنرل آف پولیس پنجاب راؤ سردار علی خان نے راولپنڈی کا دورہ کیا۔ وہ جمعرات کی صبح آرپی اوآفس گئے جہاں انہوں نے راولپنڈی ریجن کے سینئرپولیس افسروں سے میٹنگ کی ۔ جہلم ،اٹک ،چکوال کے ڈی پی اوز،سی پی اوراولپنڈی اورراولپنڈی پولیس کے دیگر سینئر افسروں نے اجلاس میں شرکت کی۔بعدازاں پولیس لائنز آمدپر انسپکٹر عمران عباس شہید کے بچوں نے یادگار شہداء پر انہیں گلدستے پیش کئے۔ آر پی او راولپنڈی عمران احمر، سی پی او راولپنڈی محمد احسن یونس اور دیگر نے ان کا استقبال کیا ۔ آئی جی پنجاب نے یادگار شہداء پر پھول چڑھائے اور شہداء کے درجات کی بلندی کے لئے دعا کی۔ انہوں نے کہاکہ شہریوں کی جان و مال کی حفاظت کرتے ہوئے اپنی جانیں قربان کرنے والے شہداء ہمارا فخر ہیں،آئی جی کو شہید کانسٹیبل شاہد رحمان سکول آف فائر آرمز ٹریننگ کا معائنہ کرایاگیا۔
تازہ ترین