صدر عارف علوی پارلیمان کی پریس گیلری خالی دیکھ کر حیران رہ گئے

صدر مملکت ڈاکٹر عارف علوی نے اپنے خطاب میں میڈیا کی خدمات پر اُن کا شکریہ ادا کیا۔

پارلیمنٹ کے مشترکہ اجلاس سے خطاب میں صدر مملکت نے میڈیا کی خدمات کا اعتراف کرتے ہوئے پارلیمان کی پریس گیلری کی جانب نظر ڈالی تو وہ انہیں خالی نظر آئی۔

صدر مملکت اس موقع پر پریس گیلری خالی ہونے پر حیران رہ گئےاور انہوں نے ہاتھ کے اشارے سے اس کا اظہار بھی کیا۔

پریس گیلری بندش پر صحافی کا سوال، فواد چوہدری کا جواب

وفاقی وزیر اطلاعات و نشریات فواد چوہدری نے صدر مملکت کے پارلیمان کے مشترکہ اجلاس سے خطاب کے دوران صحافیوں پر پریس گیلری کی بندش پر ردعمل دے دیا۔

حکومت نے اپنے چوتھے پارلیمانی سال کے آغاز کے موقع پر صحافیوں کے لیے پارلیمنٹ کے دروازے بند کردیے۔

اس طرح میڈیا کو صدر مملکت کے خطاب کی کوریج سے روک دیا، جو اس بات کا اشارہ ہے ’جو سرکاری ٹی وی دکھائے گا ملک میں اب وہی نظر آئے گا‘۔

پارلیمنٹ ہاؤس، صحافیوں پر پریس گیلری کے دروازے بند

پارلیمنٹ ہاؤس کی پریس گیلری کے دروازے صحافیوں پر بند کردیے گئے۔

پارلیمانی رپورٹر نے پریس گیلری کے دروازے بند ہونے پر پارلیمنٹ ہاؤس کے گیٹ نمبر 1 پر دھرنا یا اور کہا کہ حکومت نے صحافیوں کے بجائے دیگر افراد کو کارڈز جاری کیے ہیں۔

مشترکہ اجلاس کے موقع پر پارلیمنٹ ہاؤس کا مرکزی دروازہ بھی سیل کردیا گیا، مہمانوں کے لیے وزیراعظم ہاؤس والا راستہ استعمال کیا گیا۔