چاقو سے متعلق جرائم اور سٹریٹ کرائم پر قابو پایاجائے،قاضی عبدالعزیز چشتی

لوٹن (نمائندہ جنگ) بیڈفورڈشائر پولیس اینڈ کرائم کمشنر مسٹر فیٹس نے علامہ قاضی عبدالعزیز چشتی سے ملاقات کی اور کمیونٹی ایشوز پر تبادلہ خیالات کیا، میٹنگ کے بعد علامہ قاضی عبدالعزیز چشتی نے جنگ کو بتایا ہے کہ انہوں نے بیڈفورڈشائر پولیس اینڈ کرائم کمشنر مسٹر فیٹس پر زور دیا ہے کہ اس علاقے سے چاقو سے متعلق جرائم پر قابو پایا جائے، سٹریٹ کرائم کا تدارک کیا جائے اور کمیونٹی ایشوز پر پولیس اپنا کردار بڑھائے ،انہوں نے ملاقات کو خوش آئند قرار دیا ہے ۔