پاکستان کا ہر شہر تعلیم یافتہ بنانا ہے: رابی پیرزادہ

پاکستان شوبز انڈسٹری کو خیرباد کہہ کر سماجی کاموں میں بڑھ چڑھ کر حصہ لینے والی سابقہ گلوکارہ رابی پیرزادہ نے کہا ہے کہ وہ اپنے فاؤنڈیشن کی مدد سے پاکستان کے ہر شہر کو تعلیم یافتہ بنانا چاہتی ہیں۔

سماجی رابطے کی ویب سائٹ ٹوئٹر پر زیادہ متحرک رہنے والی سابقہ گلوکارہ رابی پیرزادہ نے اپنے تصدیق شدہ ٹوئٹر اکاؤنٹ پر اپنی تصویر شیئر کی ہے جو اُن کو پیش آنے والے حادثے کے بعد کی ہے۔

رابی پیرزادہ نے اپنی تصویر شیئر کرتے ہوئے کیپشن میں لکھا کہ ’انشاءاللّہ!میرا اگلا قدم کراچی ہے، مجھے پاکستان کا ہر شہر تعلیم یافتہ بنانا ہے۔‘

اُنہوں نے لکھا کہ ‘مجھے خواتین کو رزق اور بچوں کو علم دینا ہے لہٰذا جو لوگ ہمارے ساتھ ہیں وہ پاکستان کے ساتھ ہیں۔‘

سابقہ گلوکارہ نے مزید لکھا کہ ’مجھے آپ سے صرف دعائیں اور مثبت سوچ چاہیے۔‘

مرد ہمارے محافظ ہیں: رابی پیرزادہ

پاکستان شوبز انڈسٹری کی سابقہ گلوکارہ رابی پیرزادہ نے نور مقدم قتل کیس کے بعد ملک میں پیدا ہونے والی صورتحال پر اپنی رائے کا اظہارِ خیال کرتے ہوئے کہا ہے کہ ہمارے والد، شوہر، بھائی اور بیٹے ہمارے محافظ ہیں۔

اپنے اگلے ٹوئٹ میں رابی پیرزادہ نے لکھا کہ ’دو روز قبل کراچی میں مجھے ایک حادثہ پیش آیا تھا لیکن الحمداللّہ! میں اب بالکل ٹھیک ہوں۔‘

رابی پیرزادہ نے مزید لکھا کہ ’مجھے یہ درد محسوس نہیں ہوتا کیونکہ یہ دُنیا بہت ظالم ہے۔‘

واضح رہے کہ رابی پیرزادہ نے سال 2019 میں شوبز انڈسٹری سے کنارہ کشی اختیار کرتے ہوئے اسلامی تعلیمات کے مطابق اپنی زندگی گُزارنے کا فیصلہ کیا۔

اب یہ دُنیا قید خانہ لگتی ہے: رابی پیرزادہ

شوبز انڈسٹری سے کنارہ کشی اختیار کرنے والی سابقہ گلوکارہ رابی پیرزادہ نے کہا ہے کہ اُن کی اس نئی زندگی میں سکون نہیں، اُنہیں اب یہ دُنیا قید خانہ لگتی ہے۔

رابی پیرزادہ نے شوبز چھوڑنے کے بعد مصوری کو اپنا ذریعۂ معاش بنالیا ہے، اس کے علاوہ وہ فلاحی کاموں میں بھی بڑھ چڑھ کر حصہ لیتی نظر آتی ہیں۔