دُکھ ہے کہ نیوزی لینڈ کرکٹ بورڈ نے ایک افواہ پر کان دھرا، فخر عالم

گلوکار و اداکار اور کرکٹ پریزنٹر فخرِ عالم کا کہنا ہے کہ پاکستانیوں نے ہمیشہ کیویز کا کھلے دل سے استقبال کیا ہے اور اب عین وقت پر ایسے رویے نے لاکھوں لوگوں کا دل دکھایا ہے۔

نیوزی لینڈ کا دورہ منسوخ، شائقین کرکٹ مایوس

نیوزی لینڈ کرکٹ بورڈ کی جانب سے پہلے میچ کے شروع...

انہوں نے کہا کہ افسوس ہے کہ نیوزی لینڈ کرکٹ بورڈ نے ایک افواہ پر کان دھرا اور ایک بڑا فیصلہ کیا۔

فخرِ عالم نے لکھا کہ پاکستانی عوام ، کرکٹ شائقین اس سازش کو دیکھ سکتے ہیں اور ناراض ہیں، پی سی بی اور حکومتِ پاکستان نے سیکیورٹی خدشات کو دور کرنے کے لیے کوئی کسر نہیں چھوڑی تھی۔

سیریز منسوخ ہونے سے پاکستان کو دھچکا لگا ہے، شعیب اختر

قومی کرکٹ ٹیم کے سابق فاسٹ بولر شعیب اختر کا نیوزی لینڈ سے اچانک سیریز منسوخ ہونے پر کہنا ہے کہ سیریز منسوخ ہونے سے پاکستان کو دھچکا لگا ہے۔

انہوں نے کہا کہ پاکستان ہمیشہ کرکٹ اور سیاست کو علیحدہ رکھتا ہے۔

ایک اور ٹوئٹ میں فخرِ عالم نے کہا کہ پاکستانی سیکیورٹی فورسز اور خفیہ ایجنسیوں نے ایک محفوظ سیریز کو یقینی بنانے میں کوئی کسر نہیں چھوڑی، پاکستانی قوم کیویز کے استقبال پر بہت خوش تھی۔

واضح رہے کہ نیوزی لینڈ کرکٹ ٹیم نے سیکیورٹی خدشات کے پیش نظر دورۂ پاکستان ختم کردیا۔