کوئٹہ: استعفیٰ نہیں دیا اور نہ دے رہا ہوں، وزیراعلیٰ بلوچستان جام کمال خان

وزیراعلیٰ بلوچستان جام کمال خان کا کہنا ہے کہ استعفیٰ نہیں دیا اور نہ دے رہا ہوں۔

وزیراعلیٰ بلوچستان جام کمال خان نے استعفے سے متعلق دو ٹوک اعلان کردیا۔

ترجمان بلوچستان حکومت لیاقت شاہوانی کا کہنا ہے کہ وزیر اعلیٰ کے خلاف تحریک عدم اعتماد 21 ستمبر کو پیش کی جائے گی جس پر 16 اپوزیشن اراکین کے دستخط ہیں کسی حکومتی رکن کے دستخط نہیں ہے۔

سوشل میڈیا پر وزیراعلیٰ کے مستعفی ہونے سے متعلق پروپیگنڈا مہم جاری ہے، لیاقت شاہوانی

ترجمان حکومت بلوچستان نے کہا کہ اپوزیشن کے حکومتی اراکین کی حمایت کے دعوے کو مسترد کرتاہوں، کچھ پارٹی اراکین کے تحفظات ہیں،ماضی میں دور کیا، اب بھی کریں گے۔

لیاقت شاہوانی نے کہا کہ کچھ پارٹی اراکین کو تحفظات ہیں، ناراض لوگوں کو منانےکے لئے چیئرمین سینیٹ کوئٹہ میں ہیں۔ پی ٹی آئی بلوچستان کا مشاورتی اجلاس بھی ہوا ہے۔

پی ٹی آئی اعلامیے کے مطابق بی اے پی کی اکثریت جو فیصلہ کرے گی اس کے بعد دوبارہ ان سے مذاکرات کریں گے۔

اعلامیے میں کہا گیا کہ  امید ہے بی اے پی اراکین کوئی مثبت فیصلہ کریں گے۔