پی ایم ڈی اے میں’مارشل لا‘ ادوار سے بدتر دفعات ہیں، رضا ربانی

سابق چیئرمین سینیٹ میاں رضا ربانی نے کہا ہے کہ پاکستان میڈیا ڈیولپمنٹ اتھارٹی (پی ایم ڈی اے) میں ’مارشل لا‘ ادوار سے بدتر دفعات ہیں۔

ایک بیان میں رضا ربانی نے کہا کہ وفاقی حکومت کی جانب سے الیکشن کمیشن پر جارحانہ حملے، اداروں کو بدنام اور تباہ کرنے کی پالیسی کا تسلسل ہے۔

انہوں نے کہا کہ اداروں پر حملہ ملک کے آئینی نظام کی بنیادوں کو ہلا دے گا، جو قومی ساخت کو قائم رکھتا ہے۔

قومی اسمبلی: شہباز شریف اور شیریں مزاری میں تلخ جملوں کا تبادلہ

قومی اسمبلی اجلاس میں اپوزیشن لیڈر شہباز شریف اور وفاقی وزیر انسانی حقوق شیریں مزاری کے درمیان تلخ جملوں کا تبادلہ ہوا ۔

ہمارے جیسا لیڈر اور ووٹ بینک کسی کے پاس نہیں، مریم نواز

اپوزیشن جماعت مسلم لیگ (ن) کے نائب صدر اور سابق وزیراعظم نواز شریف کی صاحبز ادی مریم نواز نے کہا ہے کہ پاکستان کا مستقبل کوئی ہے تو وہ ’ن لیگ‘ ہے، کسی جماعت کے پاس ہمارے جیسا لیڈر ہےنہ ہمارے جیسا ووٹ بینک ہے۔

سابق چیئرمین سینیٹ نے مزید کہا کہ حکومت پی ایم ڈی اے جیسا قانون متعارف کرنا چاہ رہی ہے۔

اُن کا کہنا تھا کہ پی ایم ڈی اے میں مارشل لا ادوار سے بدتر دفعات ہیں، اداروں پر حملہ ملک کے آئینی نظام کی بنیادوں کو ہلا دے گا۔