فرمان الہی
نماز کے اوقات
کوئٹہ(نمائندہ جنگ)سریاب روڈ پر بم دھماکے کے نتیجے میں ایگل اسکواڈ کے دو اہلکار معمولی زخمی ہوگئے ،واقعہ سریاب روڈ پر دوست آغا کے قریب پیش آیا، دھماکہ ریموٹ کنٹرول تھا۔پولیس ذرائع کے مطابق تھانہ خالق شہید کی حدود میں دوست آغا سریاب کے علاقے میں مسجد کے قریب نامعلوم دہشت گردوں کی جانب سے سڑک کنارے نصب بم دھماکے سے ایگل سکواڈ کے دو اہلکارنعمت اللہ اور محمد اسحاق زخمی ہوگئے جنہیں طبی امداد کی غرض سے ہسپتال منتقل کردیا گیا ۔ دھماکے کے بعد پولیس بم ڈسپوزل اسکواڈ اور امدادی ٹیمیں موقع پر پہنچ گئیں اور موقع سے شواہد جمع کر لئے بم ڈسپوزل سکواڈ کا کہنا ہے کہ بم ریموٹ کنٹرول تھا لیکن دھماکہ زیادہ شدت کا نہیں تھا ۔
