اسلام آباد(خصوصی نامہ نگار) آئی جی اسلام آباد قاضی جمیل الرحمان نے کہاہےکہ پیر 27 ستمبرکو چہلم حضرت امام حسینؓ کے مو قع پر فول پروف سیکیورٹی انتظامات کرنے کا حکم دے دیا ہے ، جمعہ کو آ ئی جی کی زیر صدارت میں اجلاس ہواجس میں چہلم حضرت امام حسینؓ کے موقع پر برآمد ہونے والے ماتمی جلوس کے سکیورٹی انتظامات کا جائزہ لیا گیا۔آئی جی نے کہا کہ چہلم کے موقع پر دیگر قانون نافذ کرنے والے اداروں کے ساتھ ملکر جامع سکیورٹی پلان مرتب کیا جائے، جلوس کے راستے میں آنے والی عمارتو ں کی چھتوں پر تربیت یافتہ سنائپر ز تعینات کئے جائیں،کورونا کے حوالے سے جاری حکومتی ایس او پیز پر عملدرآمد کو یقینی بنا یا جائے، جلوس کی ڈرون،سی سی ٹی وی کیمروں، سمارٹ کارز کی مدد سے سرویلنس اور ویڈیو ریکا رڈنگ کی جائے اورایس ایس پی ٹریفک ایک جامع ٹریفک پلان مرتب کریں ۔ انہوں نے کہاکہ سیکیو رٹی انتظامات میں کسی قسم کی کوتاہی یا لاپرواہی برداشت نہیں کی جائے گی۔
فرمان الہی
نماز کے اوقات
