جمہوری اقدار کو پامال کیا جا رہا ہے: ملک احمد خان

مسلم لیگ نون کے رہنما ملک احمد خان کا کہنا ہے کہ آج ملک میں جمہوری اقدار کو پامال کیا جا رہا ہے۔

لاہور کی بینکنگ کورٹ کے باہر مسلم لیگ نون کے رہنما عطاء تارڑ کے ہمراہ میڈیا سے گفتگو کرتے ہوئے ملک احمد خان نے یہ بات کہی۔

شہباز اور حمزہ کی عبوری ضمانت میں 9 اکتوبر تک توسیع

لاہور کی بینکنگ جرائم کورٹ نے ایف آئی اے کے مالیاتی اسکینڈل کے مقدمے میں مسلم لیگ نون کے صدر اور قومی اسمبلی میں قائدِ حزبِ اختلاف میاں محمد شہباز شریف اور ان کے صاحبزادے مسلم لیگ نون کے نائب صدر اور پنجاب اسمبلی میں اپوزیشن لیڈر حمزہ شہباز کی عبوری ضمانت میں 9 اکتوبر تک توسیع کر دی۔

انہوں نے کہا کہ ایک الزام بھی عدالت میں ثابت نہیں ہو سکا، احتساب کے نام پر ایک شخص کو وزیر بنایا گیا۔

ملک احمد خان کا یہ بھی کہنا ہے کہ عدالتوں میں آج تک آپ کے الزامات ثابت نہیں ہو سکے، آپ کا ایجنڈا لوگوں کی زبان بند کرنا ہے۔