• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

قیادت میں اختلاف کی خبر کی واضح الفاظ میں تردید کرتا ہوں، خواجہ آصف


پاکستان مسلم لیگ (ن) کے سینئر رہنما اور سابق وزیر خارجہ خواجہ محمد آصف نے اپنے خطاب کے الفاظ کی تردید کردی۔

خواجہ آصف نے آج ن لیگ کے ورکرز کنونش سے خطاب میں پارٹی میں جھگڑوں اور اختلافات کی نشاندہی کی تھی۔

جیو نیوز نے جب ان سے پی ٹی آئی کے ن لیگ میں دو بیانیوں کی موجودگی کے الزام سے متعلق پوچھا اور کہا کہ آج آپ نے اپنے خطاب میں اسی طرف اشارہ کیا تھا۔

اس پر خواجہ آصف کا کہنا تھا کہ قیادت میں اختلاف کی خبر کی واضح الفاظ میں تردید کرتا ہوں۔

انہوں نے کہا کہ میری پوری تقریر سنیں تو سیاق و سباق پتہ چل جائے گا، میں نے کنٹونمنٹ اور دوسرے انتخابات سے متعلق شہری، ضلعی سطح پر اختلافات کی بات کی تھی۔

سینئر ن لیگی رہنما نے مزید کہا کہ میں نے تنظیمی اختلافات کی بات کی تھی، ہماری مرکزی قیادت نواز شریف ہیں۔

اُن کا کہنا تھا کہ نواز شریف کے حوالے سے ساری پارٹی سیاست کر رہی ہے، اس میں دو رائے ہے ہی نہیں۔

اس سے قبل پارٹی کنونشن سے خطاب میں خواجہ محمد آصف نے کہا تھا کہ ن لیگ کے اندر اختلافات ہیں، جھگڑے کارکنوں کے نہیں قیادت کے ہیں۔

قومی خبریں سے مزید