کابل یونیورسٹی کے چانسلر کا سوشل میڈیا پر کوئی اکاؤنٹ نہیں، انتظامیہ

کابل یونیورسٹی کے چانسلر محمد اشرف غیرت کے سوشل میڈیا پر جعلی اکاؤنٹ بنائے جانے پر یونیورسٹی کی انتظامیہ نے کہا ہے کہ ان جعلی اکاؤنٹ سے جھوٹی خبروں کے ذریعے عوام کو گمراہ کیا جارہا ہے۔ 

جامعہ کی انتظامیہ کے مطابق جامعہ کے چانسلر محمد اشرف غیرت کا سوشل میڈیا پر کوئی اکاؤنٹ موجود نہیں ہے۔ مستند معلومات کے لیے یونیورسٹی کی ویب سائٹ سے رابطہ کریں۔

کابل یونیورسٹی میں طالبات کے داخلے پر پابندی کی خبر کی تردید

کابل یونیورسٹی انتظامیہ نے جامعہ میں طالبات کے داخلے پر پابندی سے متعلق خبر کی تردید کردی۔

کابل یونیورسٹی انتظامیہ نے اپنے وضاحتی بیان میں کہا ہےکہ حالیہ دنوں میں سوشل میڈیا پر چانسلر جامعہ محمد اشرف غیرت کے جعلی اکاؤنٹس بنائے گئے ہیں۔ ان جعلی اکاؤنٹس سے جھوٹی خبروں کے ذریعے عوام کو گمراہ کیا جارہا ہے۔

یونیورسٹی انتظامیہ نے بتایا کہ چانسلر محمد اشرف غیرت کا سوشل میڈیا پر کوئی اکاؤنٹ موجود نہیں ہے، طلبہ اور والدین مستند معلومات کے لیے یونیورسٹی کی ویب سائٹ سے رابطہ کرسکتے ہیں۔