محمد زبیر کی وائرل ویڈیو پر مریم نواز نے کیا کہا؟

مسلم لیگ نون کے قائد نواز شریف اور مریم نواز کے ترجمان محمد زبیر کی وائرل ویڈیو کے حوالے سے نائب صدر مسلم لیگ نون نے بھی بیان جاری کیا ہے۔

نائب صدر مسلم لیگ نون مریم نواز نے اپنے ایک بیان میں کہا کہ محمد زبیر کو کافی دھمکیاں مل رہی تھیں، مبینہ ویڈیو کی حقیقت کیا ہے، یہ محمد زبیر اور اللہ کا معاملہ ہے لیکن محمد زبیر میرے ترجمان رہیں گے۔

محمد زبیر کا اپنی وائرل ویڈیو پر ردعمل

مسلم لیگ نون کے قائد نواز شریف اور نائب صدر مریم نواز کے ترجمان محمد زبیر نے سوشل میڈیا پر اپنی زیرِ گردش ویڈیو پر ردعمل دے دیا۔

سابق وزیراعظم نواز شریف کی وطن واپسی کے حوالے سے بات کرتے ہوئے مریم نواز نے کہا کہ چاہتی ہوں نواز شریف کی واپسی دسمبر سے پہلے ہو۔

چیئرمین نیب کی مدت ملازمت میں توسیع کے حوالے سے مریم نواز نے کہا کہ چیئرمین نیب کی توسیع کے بارے میں آئین کچھ نہیں کہتا، چیئرمین نیب کی توسیع کے فیصلے پر پارٹی بہتر بتا سکتی ہے۔

شرمیلا فاروقی بھی مریم نواز کے ’اسٹائل‘ کی معترف

پاکستان پیپلز پارٹی کی رہنما شرمیلا فاروقی بھی مسلم لیگ نون کی نائب صدر مریم نواز کے پارٹی اجلاس میں شرکت کے دوران زیب تن خوبصورت لباس سے متاثر دکھائی دے رہی ہیں۔

مریم نواز نے ایک سوال کے جواب میں کہا کہ جنید صفدر نے ابھی سیاست میں آنے کا کوئی فیصلہ نہیں کیا ہے۔