تحریک انصاف کے رہنما شاہ محمود قریشی کہتے ہیں کہ عمران خان نے کچھ چھپانا نہیں ہے ،وہ کہہ چکے ہیں کہ وہ اپنے آپ کو احتساب کے لیے پیش کرتے ہیں۔
شاہ محمود قریشی نے ’جیو نیوز‘ کے پروگرام ’آج شاہ زیب خانزادہ کے ساتھ‘ میں گفتگو کرتے ہوئے مزید کہا کہ جوڈیشل کمیشن عمران خان کو بلالے وہ اپنا مؤقف پیش کردیں گے۔
انہوں نے کہا کہ ہمارا مؤقف ہے جن کے نام ہیں وہ پیش ہوں اور اپنی صفائی دیں،چیف جسٹس کے فیصلے نے ہمارے مؤقف کی تائید کردی،عمران خان کی آمدنی کا ذریعہ سب کے سامنے ہے ۔
شاہ محمود قریشی کا کہنا تھا کہ جوڈیشل کمیشن ثابت کرے گا کس کا پیسا قانونی اور کس کا غیر قانونی ہے،ہم پہلے دن سے کہہ رہے ہیں کہ مل کر بیٹھنے کے لیے تیار ہیں،ہمارے ’ٹی او آر‘ پراعتراض ہے تو مل کر ’ٹی او آر‘ بنالیتے ہیں۔
فرمان الہی
نماز کے اوقات
