کراچی: برتھ پر لگے جہازوں کو انجن آن رکھنے کا حکم، کے پی ٹی حکام

کراچی میں طوفانی بارش اور تیز ہوا  کے سبب بندرگاہوں پر  حفاظتی اقدامات شروع کردیے گئے، برتھ پر لگے جہازوں کو انجن آن رکھنے کا حکم دے دیا گیا۔

اسپیشل سیکیورٹی یونٹ کے اہلکار کشتیوں کے ہمراہ ناگن چورنگی پہنچا دیے گئے

بارشوں کےپیش نظر اسپیشل سیکیورٹی یونٹ کشتیوں کےہمراہ ناگن چورنگی پہنچ گیاہے ، کشتیوں کے ساتھ ساتھ دو بڑے ٹرکس پر واٹرنگ پمپس بھی لگا دیئے گئے۔

کے پی ٹی حکام کا کہنا ہے کہ زیادہ ہوا کی صورت میں جہازوں کو برتھ پر دہرے رسوں سے باندھا جائے گا۔

حکام کا کہنا ہے کہ بہت تیز ہواؤں کی صورت میں برتھ پر لگےجہاز پورٹ سے نکال دیےجائیں گے۔