فرمان الہی
نماز کے اوقات
پاکستان پیپلز پارٹی (پی پی پی) کے چیئرمین بلاول بھٹو زرداری کا کہنا ہے کہ اداکار عمر شریف کا انتقال باعثِ صدمہ ہے۔
اسلام آباد سے جاری کیئے گئے ایک تعزیتی بیان میں پاکستان پیپلز پارٹی (پی پی پی) کے چیئرمین بلاول بھٹو زرداری نے عمر شریف کے انتقال پر اظہارِ افسوس کیا ہے۔
انہوں نے کہا ہے کہ رونے والوں کو ہنسنے پر مجبور کرنے والا طنز و مزاح کا آفتاب غروب ہو گیا۔
چیئرمین پی پی پی نے کہا کہ عمر شریف نے پاکستان میں فنِ مزاح کو نئی جہت بخشی، اسے بلندیوں پر پہنچایا۔
بلاول بھٹو زرداری کا کہنا ہے کہ عمر شریف کی دنیائے فن کے لیے خدمات تا دیر یاد رکھی جائیں گی۔
چیئرمین پی پی پی نے کہا ہے کہ دعاگو ہوں، اللّٰہ تعالیٰ مرحوم عمر شریف کی مغفرت کریں اور انہیں جوارِ رحمت میں جگہ عطاء فرمائیں (آمین)
بلاول بھٹو زرداری نے اپنے بیان میں مرحوم عمر شریف کے اہلِ خانہ سے تعزیت اور ان کے لیے صبرِجمیل کی دعا بھی کی ہے۔
