فرمان الہی
نماز کے اوقات
ایس پی کینٹ پشاور کا کہنا ہے کہ کراچی میں بینک کی پیسوں سے بھری گاڑی لوٹنے والے 3 ملزمان کو پشاور سے گرفتارکرلیا گیا ہے۔
ان کا کہنا تھا کہ ملزمان سے 70 لاکھ روپے اور واردات میں استعمال ہونے والی گاڑی برآمد کی گئی ہے۔ ملزمان کو تھانہ تہکال کی حدود سے گرفتار کیا گیا۔
ایس پی نے کہا کہ ملزمان نے 10 اگست کو کراچی میں نجی بینک سے رقم لے جانے والی گاڑی لوٹی تھی، واردات کے دوران 20 کروڑ 50 لاکھ روپے لوٹےگئے تھے۔
انہوں نے مزید کہا کہ واردات سے متعلق تھانہ میٹھادر کراچی میں مقدمہ درج کیا گیا تھا، ملزمان کی گرفتاری سے متعلق کراچی پولیس کو آگاہ کردیا ہے۔
پولیس کا کہنا ہے کہنا کہ بینک کی گاڑی لوٹنے کی واردات میں ڈرائیور بھی شریک تھا، ملزمان گاڑی کے تعاقب میں تھے۔ ڈرائیور کو ڈرامائی انداز میں اسلحے کی نوک پر روکا گیا تھا، گاڑی کا ڈرائیور ملزمان سے رابطے میں تھا، نامعلوم مقام پر ملزمان رقم تقسیم کر کے دوسری گاڑی میں روانہ ہوئے۔
