آریان خان کے مستقبل کیساتھ کھیلا جارہا ہے: روینہ ٹنڈن

بالی ووڈ اداکارہ روینہ ٹنڈن نے کہا ہے کہ منشیات کیس کے نام پر آریان خان کے مستقبل کے ساتھ کھیلا جارہا ہے۔

مائیکرو بلاگنگ سائٹ ٹوئٹر پر جاری کیے گئے پیغام میں روینہ ٹنڈن نے کہا کہ ’منشیات کیس کی آڑ میں شرمناک سیاست کھیلی جا رہی ہے۔‘

روینہ ٹنڈن نے مزید کہا کہ ’یہ ایک نوجوان کی زندگی اور مستقبل ہے جس کے ساتھ وہ کھیل رہے ہیں۔‘

آریان خان کی منشیات برآمدگی کیس میں ضمانت کی درخواست پر ممبئی کی عدالت میں سماعت آج ہوگی۔

منشیات برآمدگی کیس، آریان خان کی درخواستِ ضمانت پر سماعت آج ہوگی

بالی ووڈ کنگ شاہ رخ خان کے بیٹے آریان خان کی منشیات برآمدگی کیس میں ضمانت کی درخواست پر ممبئی کی عدالت میں سماعت آج ہوگی۔

منشیات کیس: شاہ رخ خان کی رہائش گاہ کے باہر مداحوں کی بڑی تعداد جمع

بالی ووڈ سُپر اسٹار شاہ رخ خان کے بیٹے آریان خان کو منشیات برآمدگی کیس میں انسدادِ منشیات کے ادارے نارکوٹکس کنٹرول بیورو (این سی بی) کی جانب سے گرفتار کیا گیا تھا اور اس مشکل وقت میں شاہ رخ خان کے مداح ممبئی میں ان کی رہائش گار ’منّت‘ کے باہر اداکار اور ان کی فیملی کی حمایت میں جمع ہوئے۔

خیال رہے کہ چند روز قبل بھارتی انسداد منشیات ادارے نارکوٹکس کنٹرول بیورو (این سی بی) نے کروز شپ پر ایک پارٹی کے دوران چھاپا مار کر شاہ رخ خان کے بیٹے آریان خان کو حراست میں لیا تھا۔

این سی بی کی جانب سے ان پر منشیات کے استعمال کا الزام عائد کیا گیا تھا جبکہ شاہ رخ خان کے بیٹے نے اس الزام کو مسترد کر دیا تھا۔

تاہم تفتیش کے دوران آریان خان نے منشیات کے استعمال کا اعتراف کر لیا تھا۔