• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سندھ میں مزید 48 افراد ڈینگی وائرس کا شکار

تازہ ترین
صحت
08 اکتوبر ، 2021


محکمۂ صحت سندھ کا کہنا ہے کہ گزشتہ 24 گھنٹوں میں سندھ میں 48 افراد ڈینگی وائرس کا شکار ہوئے اور رواں سال اس وائرس سے اب تک 6 لوگ انتقال کر چکے ہیں۔

حکام محکمۂ صحت سندھ کے مطابق ایک دن میں کراچی کے 20 افراد ڈینگی کا شکار ہوئے،21 افراد مٹیاری، 6 حیدر آباد اور 1 شخص سکھر میں اس وائرس سے متاثر ہوا ہے۔

ڈینگی سے بچاؤ اور فوری علاج کیسے ممکن بنایا جائے؟

پاکستان میں ایک بار پھر ڈینگی بخار نے سر اُٹھا لیا ہے، ملک بھر میں اب تک ڈینگی کے سیکڑوں کیسز سامنے آچکے ہیں جن کی تعداد زیادہ تر پنجاب میں پائی جا رہی ہے، ڈینگی پر قابو پانے کے لیے ملک بھر کے لوگوں کا احتیاطی تدابیر اختیار کرنا ضروری ہے۔

محکمۂ صحت کے حکام نے بتایا کہ رواں ماہ اب تک 278 مرد و خواتین ڈینگی وائرس کا شکار ہو چکے ہیں۔

حکام کا مزید کہنا ہے کہ کراچی اور مٹیاری میں سب سے زیادہ ڈینگی کے کیسز سامنے آ رہے ہیں۔

تازہ ترین