بھارتی قابض فوج کی دہشتگردی ، مزید 2 کشمیری شہید

مقبوضہ کشمیر میں بھارتی قابض بھارتی فوج کی دہشت گردی سے مزید 2 کشمیری نوجوان شہید ہوگئے۔

کشمیر میڈیا سروس (کے ایم ایس) کے مطابق بھارتی فوج نے دونوں کشمیریوں کو بانڈی پورہ اور ضلع اسلام آباد میں شہید کیا ہے۔

مقبوضہ کشمیر: بارہ مولا میں تین نوجوان شہید، اڑی کا پانچ روز سے محاصرہ

مقبوضہ کشمیر میں قابض بھارتی فوج کی ریاستی دہشتگردی جاری ہے۔ اس حوالے سے کشمیر میڈیا سروس کے جاری کردہ اعلامیہ کے مطابق قابض بھارتی فوج نے ضلع بارہ مولا میں 3 کشمیری نوجوانوں کو شہید کر دیا۔

کے ایم ایس کا کہنا ہے کہ بھارتی فوج نے دونوں کشمیری نوجوانوں کو محاصرے، سرچ آپریشن کی آڑ میں شہید کیا ہے۔

بھارتی فوج نے بانڈی پورہ اور اننت ناگ میں نام نہاد آپریشن کی آڑ میں پانچ کشمیری نوجوانوں کو گرفتار بھی کیا ہے۔

بھارتی پولیس نے گزشتہ روز بھی بڑا کریک ڈاون کرتے ہوئے900 سے زائد نوجوانوں کو مجاہدین کیلئے کام کرنے کے بے بنیاد اور جھوٹے الزامات کے تحت گرفتار کیا۔

وادی میں بڑے پیمانے پر کی جانے والی یہ گرفتاریاں بھارت کی طرف سے مقبوضہ وادی میں کیے جانے والے بڑے آپریشنوں میں سے ایک ہے۔

بے گناہ کشمیری نوجوانوں کی گرفتاری کا یہ عمل مقبوضہ وادی میں پیش آنے والے قتل کے حالیہ واقعات کے تناظر میں شروع کیا گیا ہے۔