آزاد کشمیر کے شہر میرپور کے اسپتال میں آگ لگنے کے نتیجے میں ایک ملازم جھلس کر زخمی ہوگیا۔
ڈی ایچ کیو اسپتال کے آئسولیشن وارڈ میں آکسیجن سلنڈر کی تبدیلی کے دوران اچانک آگ بھڑک اٹھی۔
اسپتال انتظامیہ کے مطابق آگ لگنے کے باعث ایک ملازم جھلس کر زخمی ہوگیا، زخمی ملازم کو طبی امداد دی جارہی ہے۔
اسپتال انتظامیہ کا کہنا ہے کہ آگ سے دیگر عملہ، مریض اور ان کے لواحقین محفوظ رہے ہیں جبکہ آگ پر قابو پالیا گیا ہے۔